Jy mag die reg nie verdraai nie; jy mag nie partydig wees nie; ook mag jy geen omkoopgeskenk aanneem nie, want die geskenk verblind die oë van die wyse en verdraai die sake van die wat reg het.

Julle mag in die gereg nie partydig wees nie; julle moet klein sowel as groot aanhoor; julle mag niemand ontsien nie, want die gereg is die saak van God. Maar die saak wat vir julle te moeilik is, moet julle na my toe bring, en ek sal dit in verhoor neem.

Maar as julle partydig is, doen julle sonde en word deur die wet as oortreders bestraf.

Hy sal julle sekerlik straf as julle in die geheim partydig is.

Wil julle vir Hom partydig wees? Of wil julle vir God pleit?

Ek wil nie partydig wees nie; en 'n mens vlei, sal ek nie.

Julle mag geen onreg doen in die gereg nie. Jy mag vir die geringe nie partydig wees nie en die aansienlike nie voortrek nie. Met geregtigheid moet jy oor jou naaste oordeel.

So maak Ek julle dan ook veragtelik en gering by die hele volk, omdat julle my weë nie hou nie en partydig handel by die regspraak.

Om vir die goddelose partydig te wees, om die regverdige in die gereg weg te stoot, is nie goed nie.

Ook hierdie spreuke is van die wyse manne afkomstig. Om partydig te wees in die gereg, is verkeerd.

Om partydig te wees, is nie goed nie, want ook vir 'n stuk brood kan 'n man 'n oortreding begaan.

Hoe lank sal julle onregverdig oordeel en partydig wees vir die goddelose mense? Sela.